Fütamapu Chile pingelu

Ñidolküleu chi ngünepeyümmew: Michelle Bachelet.
Lapeyüm dungu: Mülewenualu feychi dungu femngen dungumew.-
Che mariregle millon
Tunten mongeleael relgemaripura tripantu ka rangi.
Lan pichikeche 10/8 kiñe warangkamew lleglu
Chi fütakeche kim chillkatulu Aylla mari kayu ka rangi kiñe patakamew

Amuley ñi kimngen ñi yeñiengen chi pu dungu ta chuchi tañi che trokingenun ta che tañi femngen kuyfimew. Ta willi mapumew, chi pu mapumew mülelu chi che amulnieyengün tañi wiñotun ñi mapumew ta feyengün tañi mapu ka tañi yamnieaelengün ta kakeumen dungu ta rangi__ chi tripaduamün.
Tachi pu nielu tañi illafum amuley tañi pen ta katrütudungulu.

Kimel dungun
Nofiembre küyen mew, chi senaw nentuy kiñe ley tañi witramngeam kiñe Instituto Nacional de Derechos Humanos ta kake mapuñ chumleken ka ta tañi tukudunguael leymew ta kiñeke mew tañi che trokingenunmew ta che.
Mayu küyenmew mulüngey ñichumtrokingeken ta che fey tañi malüngen keñekemew kañpüle chi ONU. Chile feyentuy kom tañi fey pingen welu feyentulafi tachi adkünungeay chi ley kom chi nasionmew ta llüdkülün tañi felen kake nasionmew ta che ñi yamngen.

tañiduamnien pu che
Chi kofiernu nentuy alün dungu tañi wiñoltuam küla mariküla warangka chi pu lof che mülelu aylla nag región mülelu willipule tufa chi paismew. Welu chi feyentulechi decreto ta setiembre küyenmew -124- ta chumngechi ñi ramtungeael ka ñi koneltuael tachi pu che mülengelu lofmew ta feychidungu tañi mongenmew tañi relmew puwlay tañi chumleken kaka nasionmew. ramtungelay kümelkakechi kiñe ke yedungun ta koneltungeafiel chi feyentun ta chem ñi duam fel chi pu wüne mongelu tachi kontitusion k ata yeñpüramael wekeley ta müleye chi kodungu ka mapu ta ñi kangeweafel ñi mongen feychi dungumel ta müleyelu chi pu lof.
Kiñeke dungu doy fütrake küdaw amuley ñi apümael tañi mongenpeyüm tachi pu che.

Mayu küyenmew, pikun püle, fülkülelu ta Argentinamew, tuwül ngey küdaw tañi maul ngeam ñi nentungen chi mina “Pascualama” fey tañi kangeytufey tachi pu che mülelu feymew chi pu diagita ka wasko mülelu tañi wülnonmew tañi rakiduam.
Chi pu mapunche lof amulñiey tañi wiñotun tami mapu ka takakeluta ñiefel. kiñeke trokiñ mapunalu ka inañielu chi dungu ta kontu mapuyengün ka ta kewawingün ta chi pu soltawengün. Chi kordinaora Arauco-Malleco, feyengün ta elüwküley tañi ñieael wichu nasion mapunche, wiñotuy küñekeaunguñi kümnunmew. Alünangumew weluchi pu auturida ñi wiñol ne wenün feychi ley Antiterrorista ka tachi “seguridad nacional” nentuel ta petu ñi mülen chi kufiernu ta Augusto Pinochet (1973-1990), femngechi furintukukünungey tañi dungu elel kuyfi chi kofiernu tañi tunuael ta tüfachi pu ley k ata ñi fey piel kakeume mülechi kake mapumew chetrokingeam ta che.

Mariepu konlu Agosto küyen , kiñe mapunche epu mari meli trapantü nielu, Jaime Facundo Mendoza Collio pingelu lay tañi tralka tuetewmew pu solraw. Fey ta konkülefuy ta kake pura mari pu che ta nüniefuyengün kiñe mapu chewta müley Ercilla, Araukania Ragionmew, fey tañi femfel tañi ramtutuam ñi winolelngetuael tañi mapu.
Chi pu soltaw tañi kechanentuan tachi pu kontumapulu purarchereke ta allfülngey. Fey tañi feypiel chi kake mapu mülelu, ta Jaime Facundo Mendoza Collio furi tralkatungey.
Octubre küyenmew, chi kofiernu feyentulay ta mari kayu feychi küyenmew tachi pu soltaw tañi allfulün tañi tralkatun ta fill püchükeche ta pülle konkülelu kiñe eskuelamew Temukuykuy chew ta trawülefuy feychi lofmew mülelu.

Tañi illam
Chi llüdkülü amuley tañi wedatungen amuley ni mülen ka…rupalu tañi peam chi llüsküam wedalkanmew.
Marso küyenmew, chi Contraloria General nentuy kiñe dungu feymew ta katrütungey chil pu consulturios municipales tañi wülael fey ñi kullinon tachi pu domo ta ñienulu ta ngillayami.

Llumümdungu

Chile feyentuy kunio küyenmew chi “Estatuto de Roma de la Corte Penal Internacional” ka chi disiempremew chi “Convención Internacional” tañi koneltuael kom pu che fey feyentunun tañi ñamümentuel. Septiempre küyenmew, chi kofierno kimel dunguy ñi rakiduamün tañi wiño inatuael chi “Comision Nacional Sobre Prisión Política y tortura” ka “Comisión Nacional de Verdad y Reconciliación (Comisiones Valech ka Rettig)” tañi pepil mütrümngeael tachi dungu chi awükael ka ñamürulmeel ta petu fey pinuel fewla.
Petu ñi tripaduamkülen tañi pepilngeayel ñi kakünungeael chi “Código de Procesamiento Penal en 2010” wiñotuael chi dungu petu mülelu tachi wedalkae tañi chengenmew, ñi che trokingenun petu tañi mülen chi gobierno militar de Augusto Pinochet, ti “Corte Suprema” feypi tañi matukeael amulael chumngechi ñi doy kümen ñi yenen. ñifey pingen chi dungu ta enerw ka oktufre küyenmew, presuntukungey ka tukudulngey ta kayu mari aylla tachi pu soltaw tachi “fuerzas de seguridad” tañi langüm ka chemmew tañi chetrokingenunmew. dewma afpunmew oktufre küyen, welu, fey ta re fey ka müten tachi sentencias condenatorias tachi ejecutoriadas en 179 de las 3.186 tachi dungu tañi tuwülngen tüfachi dungumew.
Septiempre küyenmew ta tukulelngey dngu ta kiñe potaka kayu mari kechu che ta “ex agentes de la Dirección de Inteligencia Nacional (DINA)” pingelu tañi koneltunmew ta awükan ñamrumelu tachi pu konkülelu politikamew.

Septiempre küyenmew, chi “Corte Suprema” feypi chi awükael chi “Academia de Guerra Aérea” mew ta “septiembre de 1973 y enero de 1975” fey tañi krimenngey tachi “lesa humanidad” pingelu. epu che müten, chi pu tripalelu chi koronel Edgar Cevallos Jones ka Ramón Cáceres Jorquera feyta tukudunguney tañi wedalkachenmew.

Noviembre küyenmew tuwülngey Italia chi dungu tachi “fiscal militar Alfonso Podlech” tañi ñam rumenmew ta meliche tachi tripantü 1970. Ka afpuntripantü petu aflay.

Disiempre, kiñe kuez feypi tañi nüngen kayu che rupalu tañi inalngen chi dungu ta tuwülel ta lalu ta 1982 ta presidentengewma Eduardo Frei Montalva wefi ta ñi lan üñfitungenmew, re tañi weda kutranmew ngenun, tañi fey pingefel unemew. Ka amulenmew, chi “Corte Suprema feyentulay ñi dungu ñi amulel chip u tukudunulñieyel. Chi. pu awawau tañi pureñma Eduardo Frei feyentuyngün tatüfa tañi langümngeürken tañi feyentunumew chi kofiernu Augusto Pinochet pingelu.

Traducción: Prof. Rosendo Huisca